Дунёнинг икки кучли теннисчиси кўприкда теннис ўйнашди

Айни вақтда биринчи рақамли теннисчи Энди Маррей ва испаниялик теннисчи Рафаэль Надаль Абу-Дабидаги кўргазма мусобақаси арафасида Абу-Дабидаги Ал-Марьян оролидаги кўприкда теннис ўйнашди.

29 декабрда бу ерда “Mubadala Tennis Championship” мусобақаси бошланади. У 31 декабргача давом этади. Мусобақанинг биринчи даврасида Рафаэль Надаль яримфиналга чиқиш учун Томаш Бердихга қарши кортга чиқади. Британиялик теннисчи Энди Маррей эса яримфиналда Давид Гоффен - Жо-Уилфрид Тоснга жуфтлиги ғолиби билан ўйнайди.

Маррей ва Надаль мусобақага бағишланган промо-тадбирда иштирок этиб, сўнгра матбуот билан суҳбат қуришган.

"Мен Абу-Дабига яна қайтганимдан хурсандман. Мен бу ерга кўп йиллар давомида келганман ва мавсум мен учун айнан шу ердан бошланиши ажойибдир. Бу мен учун яхши тажриба бўлади. Мавсумлар ўртасида мен Майамида тайёрландим. Мен мавсумни биринчи рақамли теннисчи мақомида якунлаш учун ўтган мавсумда кўп ишладим", деб айтди Маррей интервьюда. 

"Абу-Дабига яна қайтиш ажойибдир. Мен энди яхши даражада ўйнай оламан. Менда бу мусобақада ғалабалар ҳақида яхши хотиралар қолган", деб айтган Надаль.