«Ювентус» яна ғалаба қозонди ва чемпионлик учун юришини давом эттирди

Италия А Сериясининг 31-тури доирасида «Ювентус» ўз майдонида «Кьево»ни қабул қилди ва ишончли ғалабани қўлга киритди.

Жамоанинг асосий ҳужумчиси Гонсало Ҳигуаин ҳар икки бўлимда биттадан гол уриб, ғалабани таъминлади. 

Ушбу ғалабадан кейин «Ювентус» ўз очколари сонини 77тага етказиб олди ва жамоа энг яқин таъқибчиси «Рома»ни 9 очколик фарқ билан ортда қолдира бошлади.

Энди туринликлар 11 апрель куни ўз майдонида «Барселона»га қарши Чемпионлар лигасининг чорак финали доирасидаги учрашувни ўтказади. «Кьево» эса 38 очкоси билан 11-ўринда қолди.

Ювентус – Кьево 2:0 (1:0, 1:0)
Голлар: 1:0 – 23 Ҳигуаин, 2:0 – 84 Ҳигуаин. 
Ювентус – Буффон, Бардзальи, Алекс Сандро, Лихтштайнер (Дани Алвес, 85), Ругани, Хедира, Маркизио, Стураро (Бонуччи, 72), Куадрадо (Лемина, 66), Дибала, Ҳигуаин.
Кьево – Секулин, Сполли, Гобби (Иско, 46), Каччаторе, Цесар, Бирса, Радованович, Хетемай (де Гузман, 75), Кастро, Меджорини (Инглезе, 67), Пеллиссье.
Огоҳлантиришлар: Каччаторе (18), Сполли (55), Бонуччи (79).