Доҳа БААни айблаб чиқди

Доҳа Қатар давлат ахборот агентлигига киберҳужумда БААни айблади. Бу ҳолат Форс кўрфази мамлакатлари ўртасида инқирозни юзага келтирган, деб хабар бермоқда Reuters.

Аввалроқ The Washington Post’да Қатар ОАВга ҳужум БАА томонидан ташкиллаштирилгани ҳақида мақола эълон қилинди.

«The Washington Post’да эълон қилинган маълумот БАА ва Амирликларнинг юқори мансабли амалдорлари Қатар янгиликлар агентлигига уюштирилган хакерлик ҳужумига алоқадор эканини кўрсатди», - дейилади Қатар ҳукумати баёнотида.

Қатардагиларнинг таъкидлашича, Америка нашрининг мақоласи «киберҳужум ҳолатини аниқ исботлайди».

БААнинг АҚШдаги элчиси эса бу мақолани ёлғон, деб атаган.

#БАА #Қатар #киберҳужум

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.