Сурияга янги ракета ҳужуми уюштирилди

Фото: Pikabu

Сурия ҳаво ҳужумидан мудофаа тизими ПВО Ҳомс вилоятидаги Шайрат авиабазасига қилинган ҳужумларни қайтарган. Бу ҳақда мамлакат давлат телевидениесига асосланган ҳолда Reuters агентлиги хабар тарқатган.

Аниқлик киритилишича, барча ракеталар ҳаводалигидаёқ уриб туширилган.

Ҳозирча бу АҚШ, Буюк Британия ва Франциядан иборат иттифоқчи кучларнинг, ёки террорчилик ташкилотининг ҳужуми экани аниқ эмас. Ҳужум Исроил томонидан уюштирилган бўлиши ҳам мумкин.

14 апрелга ўтар кечаси АҚШ, Буюк Британия ва Франция Суриянинг Дума шаҳрида амалга оширилгани тахмин этилган кимёвий ҳужумга жавобан Сурия бўйлаб ракета зарбаларини берди. Сурия ҳукумати кимёвий ҳужум фактини инкор этмоқда ва Ғарб мамлакатлари зарбаларини тажовуз деб атамоқда.

#Сурия #ракета ҳужуми

АҚШ президенти Дональд Трамп 14 апрель куни Сурияга нисбатан ракета ҳужуми бошланганини билдирди. АҚШ ва унинг иттифоқчилари Сурияда кимёвий қуроллар ишлатилишига жавобан Асад ҳукуматига қарши ҳарбий амалиёт ўтказмоқда.