Хоразмда “Ласетти” ағдарилиб кетди, бир киши ҳалок бўлди

Хоразм вилоятининг Хазорасп туманида мудҳиш йўл-транспорт ҳодисаси юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Маълум бўлишича, 2018 йилнинг 4 сентябрь куни Фарғона вилоятида яшовчи О.А. бошқарувидаги “Ласетти” русумли автомашинани Саримой қишлоғи ҳудудидан ўтувчи йўлининг 510-км.да ҳайдаб кетаётиб бошқарувни эплай олмай йўл четига ағдарилиб кетган. 

Натижада автомашина ҳайдовчининг турмуш ўртоғи Н.А. исмли аёл жароҳат олиб касалхонага ётқизилган. Аммо кўрсатилган тиббий муолажаларга қарамай вафот этган.

Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.