Ҳиндистонда ҳайдовчи маймун билан боғлиқ ҳазили учун ишдан ҳайдалди

Ҳиндистонда автобус ҳайдовчиси ҳазиллашиб маймунни рулга ўтқазиб қўйгани учун ишидан айрилди. Бу ҳақда Channel News Asia хабар бермоқда.

Хабар қилинишича, воқеа мамлакат жануби-ғарбидаги Даванжер шаҳрида юз берган. 36 ёшли ҳайдовчи маймунни рулга ўтқазиб қўйган, 30 нафар йўловчилардан бири эса буни видеога олган. Ролик машҳур бўлиб кетди ҳамда рўй берган ҳодиса ҳақида автобус компанияси хабар топди.

Унинг вакили сўзларига кўра, ҳайдовчи ишидан четлатилди, сабаби компания биринчи навбатда йўловчилар хавфсизлигини қадрлайди.

Эслатиб ўтамиз, аввалроқ ўлим билан якун топган селфилар сони Ҳиндистонда энг кўплиги аниқланганди.