Ёлғон сўзлаётган одамни бурни ошкор қилиб қўйиши аниқланди

Одамнинг бурни ҳарорати ўзгариши унинг ёлғон сўзлаётганини ошкор қиларкан. Бундай хулосага Гранада университети олимлари келишди.

Олимлар тажриба ўтказиб, синалувчилар гуруҳига ўз яқинларини телефон орқали алдашни таклиф қилишган. Синалувчилар ортидан тепловизорлар ёрдамида кузатилган. Аниқланишича, инсон алдамоқчи бўлганда, бурни ҳарорати 1,2 градусга камайиб, пешонаси эса, аксинча, 1,5 градусга қизиган.

Олимларнинг фикрича, ҳароратнинг пасайишини ёлғон сўзлашга мажбур бўлаётган инсон ҳис қиладиган ҳаяжон келтириб чиқаради. Бундан ташқари, ёлғон сўзлаётган одамда ақлий иш кучаяди, бу эса пешона ҳароратининг ошишига олиб келади.