Қўшимча функционаллар
-
Тунги кўриниш
Британия Петров ва Боширов Солсберида бўлганини исботловчи янги видеоларни эълон қилди
Скотланд-ярд Лондон ГРУ собиқ полковниги Сергей Скрипалнинг заҳарланишига алоқадор деб ҳисоблайдиган Александр Петров ҳамда Руслан Бошировнинг ушбу шаҳарда бўлганига оид янги видеоёзувларни эълон қилди. Шунингдек, заҳарловчи модда бўлган флакон фотосурати ҳам жойлаштирилди. Материаллар Британия полицияси веб-сайтида мавжуд.
Полиция сайтида айтилишича, роликларда Петров ва Бошировнинг Солсберига келиши, сўнг шаҳар бўйлаб ҳаракатланиши тасвирланган. Таъкидланишича, ёзувлар шу йилнинг 4 март куни олинган.
Бундан ташқари, Британия полицияси асаб-фалажловчи модда бўлган атир учун сохта идиш - флаконнинг бир нечта фотосуратини эълон қилди. Лондоннинг фикрича, у ерда «Новичок» заҳари бўлган, расмий Москва бу модда Россия ва собиқ СССР давлатлари ҳудудида ишлаб чиқарилганини бир неча марта рад этиб чиқди.
Сайтда қайд этилишича, Скрипаллар иши бўйича тергов давом этмоқда.
Эслатиб ўтамиз, аввалроқ Юлия Скрипалнинг қаллиғи йўқолиб қолгани хабар қилинганди.
Скрипаль иши
Буюк Британия фойдасига жосуслик қилган ГРУ собиқ полковниги Сергей Скрипаль 4 март куни заҳарланди. Буюк Британия бу суиқасдда Россияни айблади
Мавзуга оид
23:14 / 14.10.2024
Британияда «Новичок» ёрдамида заҳарланиш иши бўйича суд эшитуви бўлиб ўтди
14:33 / 22.09.2021
Скрипалларнинг заҳарланиши. Британия яна бир гумонланувчига айблов эълон қилди
08:30 / 15.06.2020
Скрипалларни заҳарлашда ишлатилгани айтилган «Нукус заҳри» чиндан ҳам мавжудми?
00:01 / 08.06.2020