Қўшимча функционаллар
-
Тунги кўриниш
Эмери: «ПСЖ»да Салоҳнинг салоҳиятига шубҳа билан қараган эдик»
Фото: Getty Images
«Арсенал» бош мураббийи Унаи Эмери «Ливерпуль»га қарши бугун бўлиб ўтадиган ўйин олдидан рақиб ҳужумчиси Муҳаммад Салоҳ борасида бир фактни айтиб ўтди. Унинг сўзларига кўра, 2016-2018 йилларда «ПСЖ»ни бошқарган даврида мисрлик ҳужумчи трансфери масаласи кун тартибида бўлган.
«Биз Салоҳни «ПСЖ»га олиб келиш масаласини муҳокама қилгандик. Ўша пайтда у «Рома» ўйинчиси эди.
Бизда унга нисбатан бироз ишончсизлик бор эди. Кейин у «Ливерпуль» билан шартнома тузди ва шу жамоада барча шубҳа-гумонларга барҳам берди. Ҳозир жаҳоннинг энг яхши беш футболчисини санасак, Салоҳ – улардан бири.
Салоҳга нега ишончсизлик билан қараган эдик? Чунки у «ПСЖ»дек катта клубда ўйнаб кета олармикан, деб ўйлаганмиз» – дея айтиб ўтган Эмерининг сўзларини келтирди Sky Sports.
Эслатиб ўтамиз, 26 ёшли Муҳаммад Салоҳ 2017 йилнинг ёзида «қизиллар» сафига ўтган, унинг римликлардан трансфери қиймати 42-50 млн евро атрофида бўлганди.
«Ливерпуль»–«Арсенал» учрашуви бугун Тошкент вақти билан соат 22:30да бошланади.
Мавзуга оид
09:43 / 28.04.2024
Салоҳ ва Клопп ҳамманинг олдида баҳслашди. «Ливерпул»да яна йўқотиш
08:52 / 19.10.2023
Салоҳ: «Ғазога зудлик билан гуманитар ёрдам етказиш керак. Барчани бегуноҳ инсонлар қирғин қилинишига йўл қўймасликка чақираман»
18:09 / 24.08.2023
Роналду «Сити» юлдузини кутмоқда, Бензема эса — Салоҳни. Сўнгги трансфер хабарлари
14:57 / 10.11.2022