Мексика КОНКАКАФ «Олтин Кубоги»ни қўлга киритди

АҚШда Шимолий Америка ва Кариб ҳавзаси мамлакатларининг энг нуфузли турнири – КОНКАКАФ «Олтин Кубоги» ниҳоясига етди.

Финалда мезбонлар ва Мексика миллий жамоаси беллашди. 73-дақиқада Дос Сантос томонидан урилган ягона гол мексикаликларга ғалаба келтирди.

Мексика ўз тарихида 11-марта мусобақа ғолиби бўлди. Мексискаликлар сўнгги 6та турнирдан 4тасида ғолиб чиқишган. АҚШ ҳисобида эса жами 6та соврин бор.

КОНКАКАФ «Олтин Кубоги»
Финал
Мексика – АҚШ 1:0 (0:0, 1:0)
8 июль, «Солжер Филд» стадиони 
Гол: 1:0 – 73 Дос Сантос. 
Мексика – Очоа, Морено, Сальседо, Родригес, Альварес, Гуардадо (Рейес, 89), Гальярдо, Писарро (Родригес, 81), Дос Сантос, Антуна (Альварадо, 86), Хименес.
АҚШ – Стеффен, Кэннон, Мязга, Лонг, Рим (Ловитц, 83), Маккенни, Пулишич, Брэдли, Арриола, Алтидор (Зардес, 64), Моррис (Ролдан, 61).