Санчес «Интер»га ўтди

«Манчестер Юнайтед» ҳужумчиси Алексис Санчес фаолиятини «Интер»да давом эттиради.

Итальянлар клуби ушбу чилилик футболчини 2020 йил ёзига қадар ижарага олганини эълон қилган.

Хабар қилинишича, миланликлар кейинги йил ёзида Санчесни 15 млн евро эвазига тўлиқ трансфер қилиш ҳуқуқига эга.

Алексис «Манчестер Юнайтед»га 2018 йил январида «Арсенал» сафидан ўтганди. Ушбу форвард муқаддам «Ривер Плейт», «Коло-Коло», «Кобрелоа», «Удинезе» ва «Барселона клублари сафида ҳам ўйнаган.

Ўтган мавсумда 30 ёшли футболчи «Манчестер Юнайтед» сафида Премьер-лиганинг 20 учрашувида иштирок этиб, 1 гол урганди. Унинг манчестерликлар клуби билан амалдаги шартномаси 2022 йил ёзига қадар.

Бундан аввалроқ «Интер» «МЮ»нинг бошқа бир ҳужумчиси Ромелу Лукакуни ўз сафига қўшиб олганди.