Генерал Сулаймонийнинг ҳарбий унвони вафотидан кейин оширилди

Фото: Faisal Khan/ZUMAPRESS.com/Global Look Press

Ислом инқилоби соқчилари корпусининг “Ал-Қудс” бўлинмаси қўмондони, АҚШ ҳарбийлари авиазарбаси вақтида ўлдирилган генерал Қосим Сулаймонийнинг унвони вафотидан кейин генерал-лейтенантгача оширилди.

Rudaw порталининг маълум қилишича, марҳум генерал Эронда 1979 йилда юз берган Ислом инқилобидан кейин мамлакатнинг энг нуфузли мукофоти – Фахр медалини олган биринчи киши бўлди.

Генерал Ироқ пойтахти Бағдодга келганда ҳамроҳлари билан зарбага учраган. Натижада у билан бирга яна 11 киши ҳалок бўлган. Сулаймонийни йўқ қилишга буйруқни шахсан АҚШ президенти Дональд Трамп берган.

Эрон қуролли кучлари бош штаби АҚШнинг бу ишини теракт деб атаган ва “Ал-Қудс” қўмондонининг ўлдирилиши ортида турганлардан “шафқатсиз ўч олишдан” огоҳлантирган.

#генерал #Қосим Сулаймоний

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.