Қўшимча функционаллар
-
Тунги кўриниш
Айрим ҳудудларда кучли шамол туфайли электр таъминотида узилишлар кузатилмоқда
Фото: ФВВ
Айни пайтда Ўзбекистоннинг турли ҳудудларида, жумладан Навоий, Бухоро ва Қашқадарё вилоятларида ёмғир аралаш кучли шамол оқибатида юқори кучланишли электр тармоқларидаги подстанцияларда аварияга қарши автоматика тизими ишлаши туфайли фавқулодда ўчиш ҳолатлари юз бермоқда.
«Ўзбекистон миллий электр тармоқлари» АЖ берган маълумотга кўра, жамият тасарруфидаги барча подстанциялар ва ҳаво линияларига хизмат кўрсатувчи техник-муҳандислар кучайтирилган тартибда хизмат қилишмоқда, навбатчилар сафига қўшимча бригадалар жалб этилган, барча техника ва керакли жиҳозлар шай ҳолатга келтирилган.
«Айни соатларда фавқулодда ўчиш оқибатлари бартараф этилмоқда. Юзага келган ноқулайликлар учун истеъмолчилардан узр сўраймиз», – дейилади мутасадди ташкилот изоҳида.
Ижтимоий тармоқларда тарқалаётган фото ва видеолардан кучли шамол натижасида айрим уйларнинг томига зиён етганини кўриш мумкин. Автомобилларни дарахтлар остида қолдирмаслик тавсия этилмоқда.
Жумладан, кучли шамол Бухоро вилоятида келтириб чиқарган оқибатлар акс этган фотосурат ва видеолавҳалар тарқалди.
Бухоро вилоятидаги бўрон
Мавзуга оид
22:36 / 20.12.2024
Қашқадарёда иситиш тизимидаги таъмирлашда салкам 1 млрд сўмни талон-торож қилган МЧЖ аниқланди
14:48 / 18.12.2024
Навоийда 33 ёшли эркак ўлдирилиб, Зарафшон дарёсига ташлаб юборилди
17:11 / 16.12.2024
Термизда турар жой биносининг сувоғи шамол туфайли кўчиб тушди
17:03 / 15.12.2024