Қўшимча функционаллар
-
Тунги кўриниш
Қирғизистон президенти бош вазир истеъфосини қабул қилди
Қирғизистон президенти Сооронбай Жээнбеков бош вазир Муҳаммадкалий Абилгазиев истеъфосини қабул қилди. 15 июнда Абилгазиев радиочастоталарнинг ноқонуний сотилиши билан боғлиқ можаро сабабли истеъфога чиқишга қарор қилганди.
Сооронбай Жээнбеков ва Муҳаммадкалий Абилгазиев / Фото: kabar.kg
Депутатларнинг фикрича, 2 та радиочастота Қирғизистон мобил операторларидан бирига “деярли сув текин”га ноқонуний сотилган. Бунинг оқибатида давлатга кўп миллиард сомлик зарар етказилган. Парламентнинг 20 май кунидаги йиғилишида депутат Жанар Акаев ушбу ишга бош вазир алоқадор бўлиши мумкинлигини, чунки радиочастоталар унинг рухсатисиз сотилган бўлиши мумкинмаслигини айтган.
Абилгазиев ўзига қўйилаётган айбловларни асоссиз деб атаган ва тергов “қонунбузарликнинг ҳақиқий айбдорларини топишига” умид билдирган.
“Қирғизистон президенти Сооронбай Жээнбеков бош вазир Абилгазиев Муҳаммадкалий Дуйшекеевичнинг истеъфоси қабул қилинган фармонни имзолади”, деб маълум қилинган президент матбуот хизматида.
Таъкидланишича, эндиликда Қирғизистон ҳукумати ҳам истеъфога кетган ҳисобланади. Фармонга кўра, бош вазир, бош вазир ўринбосарлари лавозимини эгаллаган шахслар, ҳукумат аъзолари ҳукуматнинг янги таркиби шакллантирилгунча мажбуриятларини бажаришда давом этади.
Мавзуга оид
18:02 / 23.12.2024
Садир Жапаров Фарғона вилояти ҳокимини «Данк» ордени билан мукофотлади
17:23 / 21.12.2024
Садир Жапаров Европарламентни Қирғизистон сиёсатига аралашмасликка чақирди
18:05 / 20.12.2024
Садир Жапаров: Қирғизистонда тежалган ҳар бир литр сув қўшниларимизга ёрдамдир
17:37 / 20.12.2024