British Airways авиакомпанияси пандемия сабабли Boeing 747 самолётларидан бутунлай воз кечишни тезлаштирди

Авиакомпаниянинг қайд этишича, "ташувларга бўлган талаб тушиб кетганлиги сабабли British Airways бошқа ҳеч қачон бу моделдаги самолётлардан фойдаланмайди".

Фото: Getty Images

International Consolidated Airlines Group S.A. (IAG) авиагуруҳига кирувчи British Airways авиакомпанияси пандемия шароитида авиаташувларга бўлган талабнинг тушиб кетиши натижасида кенг фюзеляжли Boeing 747-400 самолётларидан режалаштирилганидан тўрт йил аввал воз кечади.

"Улкан надомат билан барча 747 флотимиздан фойдаланишни зудлик билан тўхтатишни таклиф қиламиз", - дея компания вакилининг сўзларидан иқтибос келтиради MarketWatch.

British Airways авиапаркида 31та Boeing 747-400 самолёти бор эди.

Авиакомпания Boeing 747-400 самолётларидан фойдаланишни 2024 йилдан тўхтатиш, улар ўрнини 787 Dreamliner ёки Airbus A350 билан тўлдиришни режалаштирганди.

IAG раҳбари Уилли Уолш British Airways "яшаш учун курашаётган"лигини қайд этди.

#Boeing 747 #British Airways

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.