Қўшимча функционаллар
-
Тунги кўриниш
Ҳиндистон Хитойнинг яна 43та мобил дастурини блоклаб қўйди
Ҳиндистон ҳукумати мамлакатда Хитой компаниялари ишлаб чиққан 43та мобил дастур блокланганини маълум қилди. Бу дастурлар орасида Alibaba компаниясининг 4та дастури, жумладан AliExpress бор.
Фото: NDTV.com
Ҳиндистон ахборот технологиялари ва электроника вазирлиги ушбу дастурлар “Ҳиндистоннинг суверенитети ва яхлитлиги, мудофааси, хавфсизлиги ва жамоат тартибига зарар етказиши”ни маълум қилган.
Хитойда ишлаб чиқилган дастурларнинг блокланиши Ҳиндистоннинг кибержиноятларга қарши курашиш марказининг ҳисоботидан кейин амалга оширилган.
Бу май-июн ойларида Ҳиндистон ва Хитой чегарасидаги тўқнашувлардан кейин Хитойда ишлаб чиқилган дастурларнинг Ҳиндистонда учинчи босқич блокланиши ҳисобланади. Июн охирида Хитойнинг 59та дастури, сентябрда эса яна 118та дастури блокланганди. Охирги блоклаш ҳисобга олинса, Ҳиндистонда Хитойнинг тақиқланган дастурлари сони 220тага етди. Улар орасида TikTok видеосервиси ҳам бор.
Мавзуга оид
14:53
Хитой компанияси Аския бозорини 225,6 млрд сўмга сотиб олди
23:04 / 24.12.2024
Хитой қутб сувларида сузишга қодир дунёдаги энг йирик юк ташувчи кемани синовдан ўтказди
21:52 / 24.12.2024
Хитойда 2027 йил охирига бориб 5G алоқа тармоғидан фойдаланувчилар улуши 85 фоизга етказилади
18:07 / 24.12.2024