Коронавирус: Кунлик ҳолатлар яна 700га яқинлашди

Соғлиқни сақлаш вазирлиги сўнгги бир кунда Ўзбекистонда 687 кишида коронавирус, 159 кишида пневмония аниқланиб, жами 7 бемор вафот этгани тўғрисида хабар берди.

«2021 йил 9 сентябрь ҳолатига кўра, Ўзбекистонда коронавирус инфекцияси қайд этилганлар сони 163108 (+687) нафарни ташкил этмоқда», дейилади вазирлик хабарида.

Янги касалланиш ҳолатларининг:

72 нафари Қорақалпоғистон Республикасида,
20 нафари Андижон вилоятида,
11 нафари Бухоро вилоятида,
15 нафари Жиззах вилоятида,
10 нафари Қашқадарё вилоятида,
7 нафари Навоий вилоятида,
16 нафари Наманган вилоятида,
69 нафари Самарқанд вилоятида,
17 нафари Сирдарё вилоятида,
13 нафари Сурхондарё вилоятида,
63 нафари Фарғона вилоятида,
14 нафари Хоразм вилоятида,
109 нафари Тошкент вилоятида,
251 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кунлик ҳолатлар бир муддатлик пасайишдан кейин яна кўтарила бошлади - сўнгги марта 3 сентябрь куни кунлик ҳолатлар сони 700га яқин бўлган, 7 сентябрь куни эса бу кўрсаткич 600дан ҳам пастга тушганди.

Кеча кун давомида:

Қорақалпоғистон Республикасида 46 нафар,
Андижон вилоятида 55 нафар,
Бухоро вилоятида 12 нафар,
Жиззах вилоятида 29 нафар,
Қашқадарё вилоятида 12 нафар,
Навоий вилоятида 10 нафар,
Наманган вилоятида 22 нафар,
Самарқанд вилоятида 90 нафар,
Сирдарё вилоятида 32 нафар,
Фарғона вилоятида 70 нафар,
Хоразм вилоятида 24 нафар,
Тошкент вилоятида 105 нафар,
Тошкент шаҳрида 233 нафар бемор тузалиб, касалликдан соғайганлар жами 155114 (+740) нафарга етди ва соғайиш кўрсаткичи 95 фоизни ташкил этмоқда.

ССВ сўнгги бир кунда коронавирусга чалинган беморларнинг яна 5 нафари вафот этгани ҳақида хабар берди, пандемия бошидан буён расмий статистика бўйича коронавирус туфайли қайд этилган ўлим ҳолатлари сони 1142 нафарни ташкил қилмоқда.

9 сентябрь куни 159 кишида пневмония аниқланиб, жами ҳолатлар сони 25115тага етди. Кеча беморларнинг 329 нафари соғайиб, умумий соғайганлар сони 18955 нафарни ташкил қилмоқда.

Шунингдек, 2 нафар бемор вафот этиб, шу кунгача пневмониядан вафот этганлар сони 200 нафарга етди.