Бокс. Нодиржон Мирзаҳмедов чоракфиналда қозоғистонлик боксчига мағлуб бўлди

Сербияда давом этаётган бокс бўйича жаҳон чемпионатида Нодиржон Мирзаҳмедов чоракфинал жангини ўтказди.

-48 кг вазнли боксчимиз жаҳон чемпионати чоракфиналида қозоғистонлик Темиртас Жуссуповга қарши жанг ўтказди ва имкониятни бой бериб қўйди (0:5).

Натижада, Ўзбекистон миллий жамоаси турнирдаги дастлабки медални нақд қилиш имкониятини қўлдан чиқарди.

Нодиржон Мирзаҳмедов аввалги босқичда ирландиялик Рикки Несбитт устидан ғалаба қозонган эди.

Маълумот учун, бугун, 2 ноябрь куни яна 5 нафар ўзбекистонлик боксчи рингга кўтарилади:

• -60 кг: Абдумалик Ҳалоков - Всеволод Шумко (Россия) (17:50 дан сўнг)
• -75 кг: Саиджамшид Жафаров - Випарон Жонгжохо (Таиланд) (19:15 дан сўнг)
• +92 кг: Лазизбек Мулложонов - Давид Чалоян (Арманистон) (20:15 дан сўнг)
• -63,5 кг: Мужибилло Турсунов - Энди Круз (Куба) (22:55 дан сўнг)
• -92 кг: Мадияр Саидраҳимов - Льюис Уильямс (Англия) (00:40 дан сўнг).