Самарқандда майнинг фермаси ташкил этиб, ноқонуний криптовалюта ишлаб чиқарган электр тармоқлари корхонаси ходими ушланди
Нотурар бинода майнинг ферма учун мўлжалланган 64 дона “Antminer L3 S9” моделли қувват манбаи, 5 дона сервер қурилмалари ҳамда 1 дона wi fi роутер борлиги аниқланган.
Самарқанд вилояти ИИБ ахборот хизматининг хабар беришича, ДХХ вилоят бошқармаси, “Самарқанд ҳудудий электр тармоқлари корхонаси” АЖ ҳамда вилоят ИИБ ходимлари ҳамкорлигида Қўшработ туманида ўтказилган тезкор тадбирда туманнинг Қўрғон маҳалласида яшовчи, туман электр тармоқлари корхонаси электромонтёри бўлиб ишлаб келаётган Ш.Х. га тегишли нотурар бинонинг юқори кучланишли электр тармоғига улангани шубҳа уйғотган.
Тадбир давомида, мазкур бинода криптовалюта ишлаб чиқариш учун ноқонуний майнинг ферма ташкил қилингани аниқланган.
Нотурар бино кўздан кечирилганда майнинг ферма учун мўлжалланган жами 64 дона “Antminer L3 S9” моделли қувват манбаи, 5 дона сервер қурилмалари ҳамда 1 дона wi fi роутер мавжудлиги аниқланиб, ушбу қурилмалар холислар иштирокида расмийлаштирилган.
Ушбу фермада амалга оширилган ноқонуний хатти-ҳаракатлар оқибатида “Самарқанд ҳудудий электр тармоқлари корхонаси” АЖга Ш.Х. томонидан 1 миллиард сўмдан ортиқ зарар етказилгани ҳисобланган.
Қайд этилишича, мазкур ҳолат юзасидан тўпланган ҳужжатлар асосида Жиноят кодексининг тегишли бандлари билан жиноят иши қўзғатилган.
Мавзуга оид
19:31 / 30.12.2024
Чеченистонда криптовалюта майнинги билан шуғулланувчилар террорчиларга тенглаштирилади
23:07 / 28.12.2024
Черногорияда қўлга тушган криптомагнат АҚШга экстрадиция қилинади
16:11 / 28.12.2024
Тергов давомида аниқланган крипто-активларни олиб қўйиш тартиби белгиланди
08:14 / 18.12.2024