Ахборот ва алоқа соҳасидаги корхоналар сони кўп ҳудудлар маълум қилинди

2022 йил 1 сентябр ҳолатига республикада ахборот ва алоқа соҳасида фаолият кўрсатаётган корхоналар сони 11 413 тани ташкил этган.

Давлат статистика қўмитаси маълумотларига кўра, бу кўрсаткич ўтган йил мос даврига нисбатан солиштирилганда 6,7 фоизга ошган. 

2022 йил 1 сентябрь ҳолатига ахборот ва алоқа соҳасида 1 682 та корхоналар янги ташкил этилган. Уларнинг 1 673 таси кичик бизнес субъектлари ҳиссасига тўғри келди.

Ахборот ва алоқа соҳасида энг кўп янги ташкил этилган корхоналар ҳудудлар кесимидаги сони:

• Тошкент шаҳрида – 726 та;
• Самарқанд вилоятида – 154 та;
• Фарғона вилоятида – 115 та;
• Тошкент вилоятида – 99 та.