Қўшимча функционаллар
-
Тунги кўриниш
3 нафар собиқ судя қамоққа олинган
Тошкент туманлараро иқтисодий судининг бир нафар ва Зангиота туманлараро иқтисодий судининг икки нафар собиқ судьялари жиноят иши доирасида эҳтиёт чораси сифатида қамоққа олинган.
Фото: Владислав Лоншаков
Kun.uz аввалроқ Тошкентда иқтисодий судларнинг икки нафар судьясига нисбатан жиноят иши қўзғатилгани ҳақида хабар берган эди. Судьялар ноқонуний эгалланган ер участкалари бўйича ишларни манфаатдорлар фойдасига ҳал қилиб берганликда гумонланаётган эди.
Kun.uz манбасига кўра, Бош прокуратуранинг Уюшган жиноятчилик ва коррупцияга қарши курашиш бошқармаси олиб бораётган дастлабки тергов даврида Жиноят кодексининг 205-моддаси (Ҳокимият ёки мансаб ваколатини суиистеъмол қилиш) ва бошқа моддалари билан айбланаётган 3 нафар собиқ судьялар эҳтиёт чораси сифатида қамоққа олинган.
Қамоққа олинганларнинг икки нафари Зангиота туманлараро иқтисодий суди собиқ судьяларидир.
Улар мансаб ваколатидан фойдаланиб давлат манфаатларига жуда кўп миқдорда зарар етказганликда гумонланяпти.
Судьялар олий кенгаши матбуот хизмати раҳбари Турсунали Акбаров Kun.uz мухбирининг сўровига жавоб бераркан, бу судяларнинг ваколат муддатлари жиноят иши қўзғатилишидан аввалроқ тугатилгани, тергов жараёнлари кетаётгани бехабар эканини маълум қилди.
Аввал ҳам ёзганимиздек, бу – Судялар олий кенгашининг маълумотларни тўлиқ беришдан қочиши билан боғлиқ илк ҳолат эмас.
Бош прокурорнинг матбуот котиби Хаёт Шамсутдинов бу маълумотни инкор этмади, аммо шу билан бирга тасдиқлагани ҳам йўқ.
Мавзуга оид
16:19
Танқиддан сўнг: 2 боланинг ўлимига сабабчи бўлган ҳайдовчи 3 йилга озодликдан маҳрум қилинди
16:35 / 23.12.2024
1 январга ўтар кечаси Тошкент метрополитени иш жадвали 2 соатга узайтирилади
18:02 / 21.12.2024
Фаолиятда қонун бузилиши, сертификатсиз ўқитувчилар ва норози ота-оналар – “NEWTON ACADEMY” ўқув маркази ҳақида нималар маълум?
18:36 / 20.12.2024