ЖЧ-2022. Польша Саудия Арабистонини мағлуб этди, Левандовскидан турнирдаги илк гол ва ассист

Биринчи турда Аргентинадан устун келиб сенсация қайд этган саудлар полякларга қарши ўйинда ҳам ўйин жиҳатдан рақибидан кам эмаслигини кўрсатган бўлса-да, якунда мағлубиятга учради. 

Зелински биринчи бўлимда Левандовскининг ассистидан кейин ҳисобни очган бўлса, 2-бўлимда Левандовскининг ўзи ҳимоядаги хатони гол билан жазолаб, турнирдаги илк голини киритди – 2:0.

Қайд этиш жоиз, саудияликлар биринчи бўлим якунида 11 метрлик жарима зарбасини голга айлантира олишмади. Ад-Довсарининг зарбасини Шченсни қайтариб қолди.

Шу тариқа, Польша 4 очко билан гуруҳ пешқадамига айланиб олди, Саудия ҳозирча 3 очко билан 2-ўринда бормоқда. Гуруҳдаги иккинчи учрашув Аргентина ва Мексика ўртасида (23:59) бўлиб ўтади.

ЖЧ-2022. С гуруҳи. 2-тур
Польша – Саудия Арабистони 2:0
Голлар: 1:0 – 39 Зелиньски, 2:0 – 82 Левандовски.
Польша – Шченсни, Кэш, Глик, Кивер, Берешиньски, Зелиньски (Каминьски, 63), Франковски, Криховяк, Белик, Левандовски, Милик (Пентек, 71).
Саудия Арабистони – Ал-Овайс, Абдулҳамид, Ал-Булайхи, Ал-Амри, Ал-Бурейк (Ал-Ғанам, 65), Ад-Довсари, Канно, Ал-Малки (Ал-Обод, 85), Ан-Нажи (Ал-Обид, 46), Ал-Бурейкан, Аш-Шаҳри (Ад-Довсари, 86).