ЖЧ-2022. Португалия Швейцарияга 6та гол уриб, чоракфиналнинг сўнгги иштирокчисига айланди

Жаҳон чемпионатида 1/8 финал баҳслари якунланди. 

Сўнгги ўйинда Португалия Швейцарияни тор-мор келтирди. Роналду ўрнига асосий таркибда майдонга тушган 21 ёшли ҳужумчи Гонсалу Рамуш ҳет-трикка эришган бўлса, Пепе, Геррейру ва Леау ҳам ўз ҳисобларига гол ёздириб қўйишди. Ягона жавоб тўпини Аканжи киритди.

Эътиборлиси, Рамуш ушбу мундиалдаги биринчи ҳет-трик муаллифига айланди.

Шу тариқа чоракфиналнинг барча жуфтликлари маълум бўлди: 

9 декабр
20:00. Бразилия — Хорватия
00:00. Нидерландия — Аргентина

10 декабр
20:00. Марокаш — Португалия
00:00. Франция — Англия

ЖЧ-2022. 1/8 финал
Португалия — Швейцария 6:1
6 декабр, «Лусайл»
Голлар: Рамуш (17, 51, 67), Пепе (33), Геррейру (55), Леау (90+2) — Аканжи (58).
Португалия – Кошта, Далот, Пепе, Диаш, Геррейру, Карвалью, Отавио (Витинья, 74), Силва (Невеш, 81), Фернандеш (Леау, 87), Фелиш (Роналду, 73), Рамуш (Орта, 74).
Швейцария – Зоммер, Родригес, Шер (Жемерт, 46), Аканжи, Фернандеш, Варгас (Окафор, 66), Жака, Фройлер (Закариё, 54), Соу (Сеферович, 54), Шакири, Эмболо (Яшари, 89).
Огоҳлантиришлар: Шер (43), Жемерт (59).