The Best-2022. Месси — йилнинг энг яхши футболчиси ва бошқа номинациялардаги ғолиблар

ФИФА 27 феврал куни Парижда бир қатор номинациялар бўйича 2022 йилнинг энг яхшиларини тақдирлади.

Аргентина миллий жамоаси ва «ПСЖ» клуби ҳужумчиси Лионель Месси йилнинг энг яхши ўйинчиси деб топилди. 35 ёшли форвард 2022 йилда Аргентина сафида Қатарда ўтган жаҳон чемпионатида зафар қучди ва турнирнинг энг яхши ўйинчиси деб топилди. Шунингдек, Лео Париж клуби билан Лига 1 ва Франция Суперкубогида ғолиб бўлди.

Барча номинациялар:

Энг яхши футболчи – Лионель Месси («ПСЖ» / Аргентина);

Энг яхши мураббий – Лионель Скалони (Аргентина миллий жамоаси);

Энг яхши дарвозабон – Эмилиано Мартинес («Астон Вилла» / Аргентина);

Энг чиройли гол муаллифи – Марсин Олексин («Варта Познан» / Польша);

Fair Play соврини – Лука Лочошвили (Грузия)

«Энг яхши мухлислар» — аргентиналик мухлислар;

Рамзий терма жамоа 3-3-4 схемасида кўриниш олди:

Дарвозабон: Тибо Куртуа («Реал» / Бельгия);

Ҳимоячилар: Ашраф Ҳакими («ПСЖ» / Марокаш), Виржил Ван Дейк («Ливерпуль» / Нидерландия), Жоау Канселу («Бавария» / Португалия);

Яримҳимоячилар: Кевин де Брюйне («Манчестер Сити» / Бельгия), Лука Модрич («Реал» / Хорватия), Каземиро («МЮ» / Бразилия);

Ҳужумчилар: Килиан Мбаппе («ПСЖ» / Франция), Карим Бензема («Реал» / Франция), Эрлинг Ҳоланд («Манчестер Сити» / Норвегия), Лионель Месси («ПСЖ» / Аргентина).