"Ягона портал"да субсидия олишга ариза бериш хизмати ишга тушди

Жорий йил 1-майдан бошлаб ЯИДХП (my.gov.uz)да “Ipoteka kreditiga davlat subsidiyasini olishga ariza berish” хизмати ёқилди.

Президентнинг 2023 йил 13 апрелдаги “2023 йилда бозор тамойилларига асосланган ипотека кредитлари орқали аҳолини уй-жой билан таъминлаш дастурини амалга ошириш чора-тадбирлари тўғрисида”ги фармонига мувофиқ  жорий йил янги тартибдаги ипотека кредитларини ажратишнинг мақсадли параметрлари тасдиқланган. 

Эндиликда субсидия ажратиш жараёнига қуйидаги ўзгаришлар киритилди:

субсидия тақдим этиш тўғрисидаги хабарнома олинган вақтдан бошлаб 4 ой ичида амал қилади, бу муддат тугагандан сўнг қайта ариза берилиши мумкин;

субсидия олиш учун бир календар йилда икки марта ариза бериш бўйича белгиланган чекловлар бекор қилинди, рад этилган аризаларга 1 декабрга қадар қайта ариза юбориш мумкин.