Дания Украинага катта ёрдам пакетини тайёрламоқда

Дания Украинанинг бўлажак ҳужумини қўллаб-қувватлаш учун украиналикларга янги 1,7 миллиард крона (тахминан 250 миллион доллар) миқдоридаги ҳарбий ёрдам пакетини тақдим этади, деб хабар берди Дания Мудофаа вазирлиги.

Фото: AP

Вазирлик маълумотларига кўра, ушбу пакетга минадан тозалаш воситалари, ўқ-дорилар, дала кўприклари ва ҳаво ҳужумидан мудофаа қурилмалари ҳамда бошқа нарсалар киради.

“Хайрия пакетидаги жиҳозлар фронтда Украина танклари ва зирҳли пиёда аскарларига йўл очиш учун зарур”, — деди Дания мудофаа вазири вазифасини бажарувчи Троэльс Лунд Поулсен.

Ташқи ишлар вазири Ларс Лёкке Расмуссеннинг таъкидлашича, бу Дания томонидан Россиянинг Украинага кенг кўламли бостириб кириши бошланганидан бери тақдим этиладиган энг катта ёрдам пакетидир.

Даниянинг Украинага берган ёрдамининг умумий миқдори 11 миллиард Дания кронасига етди.

#Украина #Дания

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.