Қўшимча функционаллар
-
Тунги кўриниш
Маъмурий судларга шикоят қилишда давлат божи ундирилмайди
Ўзбекистонда, 2024 йил 1 январдан бошлаб, маъмурий судларга шикоят қилишда фуқаро ва тадбиркорлик субъектларидан давлат божини ундирмаслик, бунда давлат божини ишни кўриб чиқиш натижаси бўйича айбдор тарафдан ундириш тартиби жорий этилади.
Фото: Kun.uz
Тегишли қонун лойиҳаси 2023 йил 1 октябргача Қонунчилик палатасига киритилиши керак. Бу – янги таҳрирдаги конституцияни рўёбга чиқаришга доир президент фармонида белгиланди.
Бундан ташқари, шартномавий ва бошқа фуқаровий-ҳуқуқий муносабатлардан келиб чиқадиган жавобгарлик чоралари маъмурий жавобгарлик тўғрисидаги қонунчиликдан чиқариб ташланади. Фармонда бу топшириқ ижроси учун 2 ой муддат кўрсатилган.
Масъулларга, 2024 йил 1 январга қадар, қонунчилик базасини тўлиқ хатловдан ўтказиб, унда белгиланган ҳуқуқий таъсир чораларини мутаносиблик принципига мувофиқлаштириш бўйича таклифлар киритиш топширилди.
Шунингдек, янги таҳрирдаги конституциянинг 29-моддасида белгиланган давлатнинг ҳуқуқбузарликлардан жабрланганларга етказилган зарарнинг ўрни қопланиши учун шарт-шароитларни яратиш мажбурияти тўлиқ рўёбга чиқарилишини таъминлашга қаратилган механизмларни назарда тутувчи президент қарори лойиҳаси ишлаб чиқилади. Лойиҳа 2 ой муддатда президент администрациясига киритилиши зарур.
Мавзуга оид
16:19 / 24.12.2024
Танқиддан сўнг: 2 боланинг ўлимига сабабчи бўлган ҳайдовчи 3 йилга озодликдан маҳрум қилинди
21:28 / 18.12.2024
Гулистон ИИБ ТБ фуқаролик низосидан жиноят иши “ясади”. Терговчи янги йилни иссиқ уйида, 50 ёшли аёл эса Россия ҳибсхонасида кутиб оладими?
21:02 / 12.12.2024
Янгийўлда 5 болани босиб кетиб, икки нафарининг ўлимига сабабчи бўлган ҳайдовчи ахлоқ тузатиш жазосини олди
15:29 / 11.12.2024