Тошкент метросидан фойдаланувчилар сони 22,8 фоизга ошди

Тошкент метрополитенидан 2023 йилнинг дастлабки 6 ойида умумий ҳисобда 81 млн 281 мингдан ортиқ йўловчи фойдаланган. Бу ҳақида Транспорт вазирлиги хабар берди.

Бу ўтган йилнинг мос даврига нисбатан 22,8 фоизга кўп. 2022 йилнинг шу даврида метрополитен 62,8 млндан ортиқ йўловчига хизмат кўрсатган.

Маълумот учун, ҳозирда Тошкент метрополитени тармоғи 66,74 кмга, бекатлари сони эса 48 тага етган. Ерусти метроси қурилишининг иккинчи босқичи тўлиқ якунланиши билан Тошкент метрополитенининг узунлиги 70 километрдан ортиши, бекатлар эса 50 та бўлиши кутилмоқда.  

Шунингдек, Тошкент метрополитени йил охиригача Россиядан 56 та янги вагон (14 та таркиб) қабул қилиб олиши белгиланган.

Аввалроқ Тошкент автобуслари 2023 йилнинг май ойида 782 мингдан ортиқ йўловчи ташигани, бу эса 2022 йилнинг шу даврига нисбатан 63 фоизга кўп эканлиги қайд этилганди.