Европа кенгаши раҳбари Тоғли Қорабоғдаги вазиятни юмшатишга чақирди
Шарл Мишел минтақадаги кескинликни бартараф этиш мақсадида Арманистон ва Озарбойжон раҳбарлари билан доимий алоқада. У яна Қорабоғга инсонпарварлик юклари олиб келинаётган Лочин йўлагини блокдан чиқаришга чақирди.
![](https://storage.kun.uz/source/9/OJBlo6wuJ39-J2ZmmnEQ8_pItcvZf0Td.jpg)
Фото: AFP / TOFIK BABAYEV
Европа Кенгаши раҳбари Шарл Мишел 1 сентябр куни оммага эълон қилинган таклифлар асосида Тоғли Қорабоғдаги кескинликни юмшатиш учун фаол саъй-ҳаракатларни амалга оширмоқда, дейилади Европа кенгаши 13 сентябр, чоршанба куни чоп этган пресс-релизда.
Ҳужжатда таъкидланишича, Мишел сўнгги бир неча кун ичида Арманистон бош вазири Никол Пашинян, Озарбойжон президенти Илҳом Алиев билан телефон орқали суҳбатлар ўтказган ва 10 сентябрда Нью-Деҳлида бўлиб ўтган G20 саммити доирасида Туркия президенти Ражаб Тоййиб Эрдўған билан вазиятни муҳокама қилган.
Лочин йўлагининг блокададан чиқарилиши
Матбуот учун хабарда қайд этилишича, бу саъй-ҳаракатлар Боку, Ереван ва Қорабоғ арманлари вакиллари билан кундалик алоқалардан ташқари, тарангликни юмшатишга ёрдам бериш ва Қорабоғга инсонпарварлик ёрдамини таъминлайдиган ечим ишлаб чиқишга қаратилган.
Ҳужжатда Россия ҳуманитар карвонининг Агдам-Аскеран йўналиши бўйлаб ўтиши маҳаллий аҳолига мунтазам ҳуманитар юк етказиб беришни тиклаш учун шароит яратишига умид билдирилган. «Жойдаги вазият тез ёмонлашмоқда. Қорабоғга зарур маҳсулотлар етказиб берилишини таъминлаш жуда муҳим. Агдам-Аскеран йўлининг очилиши Лочин йўлагининг қайта тикланишига ёрдам берадиган муҳим қадамдир», - дейилади маълумотда.
Шарл Мишел куз ва қиш арафасида Лочин йўлагини очиш муҳимлигини таъкидлади.
Мавзуга оид
![](https://storage.kun.uz/source/thumbnails/_medium/10/wdsUEaWPrl0fepalsJYQWJ5fMZVUh75f_medium.jpg)
20:29 / 15.11.2024
Ғайрат Фозилов Европа кенгаши президентига ишонч ёрлиқларини топширди
![](https://storage.kun.uz/source/thumbnails/_medium/10/5ZG367ErIMNVk_KnB_eUD4cnzZY_Jj9p_medium.jpg)
18:41 / 17.04.2024
Россия тинчликпарвар кучлари Тоғли Қорабоғни тарк этишни бошлади
![](https://storage.kun.uz/source/thumbnails/_medium/10/RhOyB_uDa_GScdcRrvKfXIph2GyNMPJu_medium.jpg)
08:41 / 27.01.2024
Шарл Мишел Еврокенгаш раҳбари лавозимини тарк этиш ҳақидаги фикрини ўзгартирди
![](https://storage.kun.uz/source/thumbnails/_medium/10/qZh5Cc0M57PeLQ1ioM2cOup2b_D9hLrt_medium.jpg)
12:52 / 20.01.2024