Ахборот-коммуникация технологиялари соҳасидаги хизматлар турлари рўйхати белгиланди

Вазирлар Маҳкамасининг «Ахборот-коммуникация технологиялари соҳасидаги хизматлар турлари рўйхатини тасдиқлаш тўғрисида»ги қарори қабул қилинди.

Қарор президентнинг «Тадбиркорлик субъектларини тоифаларга ажратиш мезонлари ҳамда солиқ сиёсати ва солиқ маъмуриятчилигини янада такомиллаштириш чора-тадбирлари тўғрисида»ги фармони ижроси юзасидан қабул қилинган.

Ҳужжат билан 4 та синфдан иборат ахборот-коммуникация технологиялари соҳасидаги хизматлар турлари рўйхати белгиланди: 

телекоммуникация хизматлари;
дастурий аппарат комплекслари, ахборот ва бошқарув тизимлари, дастурий таъминотни ишлаб чиқиш, лойиҳалаштириш, кўмаклашиш ва техник қўллаб-қувватлаш хизматлари, ушбу соҳадаги бошқа хизматлар;
ахборот ва маълумотлар билан ишлаш хизматлари;
ахборот-коммуникация технологиялари соҳасидаги бошқа хизматлар.

Ушбу синфлар 20 та позиция, улар эса ўз навбатида 42 та субпозициядан иборат.