Қўшимча функционаллар
-
Тунги кўриниш
Жамият | 07:05 / 10.04.2024
10407
1 дақиқада ўқилади
Тошкентда Lacetti йўл иншоотига бориб урилди
Мирзо Улуғбек тумани Паркент кўчасида Lacetti автомашинаси иштирокида ЙТҲ содир бўлди.
Фото: ИИББ ЙҲХБ
Жорий йилнинг 9 апрель куни соат 22:50 ларда Мирзо Улуғбек тумани Паркент кўчаси иккинчи даражали йўлида йўл-транспорт ҳодисаси қайд этилди.
Тошкент шаҳар ИИББ ЙҲХБ хабарига кўра, ҳайдовчи, 2003 йилда туғилган Ш.Ф. Lacetti русумли автомашинасини бошқариб келаётиб рул бошқарувини йўқотган ва йўл иншоотига тўқнашган.
ЙТҲ натижасида тан жароҳат олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
“Барча ҳайдовчилардан белгиланган қоидаларга амал қилишни ҳамда оралиқ масофани сақлаб ҳаракатланишни сўраймиз”, дейилади хабарда.
