Оҳангаронда 2 туп тоғ лоласини узган йигит жаримага тортилди

Йигитга нисбатан маъмурий баённома расмийлаштирилган ҳамда 1,7 млн сўм табиатга етказилган зарар чораси қўлланган.

Фото: Экология бошқармаси

Тошкент вилояти Оҳангарон туманида тоғ лоласини узган йигитга чора кўрилди. Бу ҳақда Тошкент вилояти Экология бошқармаси хабар берди.

Маълум қилинишича, вилоят Экология бошқармаси Оҳангарон туман бўлими инспекторлари томонидан назорат тадбирлари ўтказилган. Рейд давомида туманнинг Четсув маҳалласи тоғли ҳудудида фуқаро И.Э. томонидан Қизил китобга киритилган 2 дона тоғ лоласи узиб олингани аниқланган.

Ҳолат юзасидан ҳуқуқбузарга нисбатан Маъмурий жавобгарлик тўғрисидаги кодекснинг тегишли моддаларига асосан маъмурий баённома расмийлаштирилган ҳамда 1,7 млн сўм табиатга етказилган зарар чораси қўлланган.

Олдинроқ Тошкентда Қизил китобга киритилган чўл бургутини сотаётган шахсга чора кўрилгани хабар қилинганди.

#жарима #Тошкент вилояти #Оҳангарон #тоғ лоласи