Рим папаси Ғазо секторида яна ўт очишни тўхтатишга чақирди

Барчани можаронинг кенгайишига йўл қўймаслик учун ҳаракат қилишга чақираман, деди понтифик.

Фото: Anadolu

Рим папаси Франциск блокададаги Ғазо секторида ўт очишни тўхтатишга эришиш ва можаро кенгайишига йўл қўймаслик учун барча саъй-ҳаракатларни кўришга чақирди. Папа 15 августда католиклар томонидан нишонланган ибодатда тегишли мурожаат қилди.

Понтифик ҳужумлар давом этаётган Ғазо секторидаги гуманитар вазиятни хавотир билан кузатиб бораётганини айтди.

«Мен Ғазо секторидаги гуманитар вазиятни хавотир билан кузатишда давом этяпман. Яна бир бор барча жабҳаларда ўт очишни тўхтатишни, гаровга олинганларни озод қилишни ва одамларга ёрдам беришни талаб қиламан. Мен барчани можаронинг кенгайишига йўл қўймаслик учун саъй-ҳаракатларни амалга оширишга, бу фожиага имкон қадар тезроқ барҳам бериш учун музокаралар йўлидан боришга чақираман. Уруш - мағлубият эканлигини унутмайлик», - деди Рим папаси Франциск.

#Франциск #Ғазо

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.