Қўшимча функционаллар
-
Тунги кўриниш
Ўзбекистон ва Қозоғистон ҳаво ҳудуди ҳимояси бўйича қўшма машғулот ўтказди
Ўзбекистон ва Қозоғистон ҳаво ҳудудини ҳимоя қилиш бўйича қўшма машғулотлар доирасида ҳаво мудофааси воситаларидан биргаликда фойдаланиш тартибини ишлаб чиқди.
10−14 сентябр кунлари Ўзбекистон ва Қозоғистон ҳарбий-ҳаво кучлари ҳарбий хизматчилари ва ҳаво ҳужумидан мудофаа мутахассислари иштирокида «Ашиқ аспан» («Очиқ осмон») халқаро тезкор-тактик қўмондонлик-штаб ўқув машғулотлари бўлиб ўтмоқда.
Машғулотлар дўст давлатларнинг ҳарбий қўмондонлик ва бошқарув органларининг ҳамжиҳатлигини ошириш, ҳаво ҳужумига қарши мудофаа кучлари ва воситаларидан биргаликда фойдаланиш масалаларини ишлаб чиқиш, ҳарбий хизматчиларнинг алоҳида жанговар вазифаларни бажаришда ҳарбий қисмларни бошқариш бўйича амалий кўникмаларини шакллантиришга қаратилган.
Машғулотларда вертолётлар, армия ва ҳарбий транспорт самолётлари, шунингдек, ҳаво ҳужумидан мудофаа қўшинларининг куч ва воситалари иштирок этмоқда.
Машғулотларнинг ўзига хос жиҳати давлат чегараси ёки ҳаво ҳудудидан фойдаланиш қоидалари бузилган тақдирда ҳаво ҳужумидан мудофаа кучлари жанговар экипажларининг қўшни давлатлар (Қирғизистон, Тожикистон ва Ўзбекистон) қўмондонлик пунктлари ва бошқарув пунктлари билан ўзаро ҳамкорлиги тартибини ишлаб чиқиш бўлди.
Мавзуга оид
23:10 / 23.12.2024
Россия Қозоғистонда 7 млн долларлик фирибгарлик ишида айбланаётган Ўзбекистон фуқаросини экстрадиция қилди
17:57 / 23.12.2024
Қозоғистонда йўлда бузилиб қолган автобусдан ўзбекистонликлар қутқарилди
20:04 / 21.12.2024
Ғойиб бўлган машиналар иши: асосий фигурант Абдулла Абдурасуловнинг шериклари қамалди, унинг ўзини терговчи қўйиб юборган
15:00 / 18.12.2024