Қўшимча функционаллар
-
Тунги кўриниш
«Ўзбекистон сўнгги марта бизга муаммо туғдирганига 12 йил бўлди». Озмун Шомуродовга жавоб қайтарди
Ўзбекистон – Эрон учрашуви олдидан форслар ҳужумчиси Сардор Озмун Элдор Шомуродовнинг сўзларига жавоб қайтарди.
Сардор Озмун
Элдор Шомуродов сешанба кунги машғулот олдидан интервью бериб, «Эронга қарши учрашув Қирғизистонга қарши кечган ўйиндан кўра осон бўлади», - дея фикр билдирган эди.
Бугун ўтказилган ўйин олди матбуот анжуманида Сардор Озмун дўсти Элдор Шомуродовнинг сўзларига жавоб қайтарди.
«Ўзбекистон миллий жамоасини ҳурмат қиламиз. Уларга қарши кўп маротаба ўйнадик. Бу сафарги ўйинда 3 очкони қўлга киритиш жуда муҳим. Аммо рақибга нисбатан ҳурматни сақлаган ҳолда айтаман, Ўзбекистон сўнгги марта бизга жиддий чақирув ташлаб, муаммо туғдирганига 12 йил бўлди, 2012 йилдан буён Эронни мағлуб эта олмаяпти», - деди Эрон миллий жамоаси ҳужумчиси.
Қайд этиш жоиз, Озмуннинг бу сўзлари матбуот анжуманидаги таржимон орқали таржима қилинмади.
Эслатиб ўтамиз, Ўзбекистон ва Эрон ўртасидаги ЖЧ-2026 3-саралаш босқич 3-тури доирасидаги ўйин 10 октябр куни Тошкентдаги «Бунёдкор» стадионида соат 19:00да бўлиб ўтади.
Мавзуга оид
21:40 / 18.12.2024
Transfermarkt Шомуродовнинг трансфер баҳосини пасайтирди
22:57 / 04.10.2024
Элдор Шомуродов «Рома» билан янги шартнома имзолайди – Романо
12:18 / 26.08.2024
Шомуродов гол уришни бошлади, «Челси» футболчилари «қутурди». Европада кун ўйинлари
14:30 / 13.08.2024