Қўшимча функционаллар
-
Тунги кўриниш
Ўзбекистон уй-жой бозорида фаоллик даражаси пасайди
Макроиқтисодий ва ҳудудий тадқиқотлар институти мутахассислари томонидан иқтисодий фаоллик даражасини баҳолаш ва прогноз қилиш учун республикада уй-жой бозоридаги фаоллик даражаси таҳлил қилинди.
Фото: Kun.uz
2024 йилнинг III чорагида Ўзбекистон уй-жой бозорида фаоллик даражаси пасайди. Хусусан, июл-сентябр ойларида кўп қаватли уйлардаги квартиралар олди-сотдиси учун 41 861 та шартнома расмийлаштирилган. Ушбу кўрсаткич 2023 йилнинг мос давридагига нисбатан 3362 тага (7,4 фоизга) кам.
Таҳлиллар тижорат банклари томонидан ажратилган ипотека кредитлари ва аҳоли тасарруфидаги даромадлар уй-жой бозорига таъсир этувчи муҳим омиллар эканлигини кўрсатди.
2021 йилнинг январ ойидан 2024 йилнинг сентябр ойигача бўлган даврда уй-жой олди-сотдиси ва аҳолига ажратилган ипотека кредитлари ҳажми ўртасида (корреляция коэффициенти = 0,81), шунингдек, уй-жой олди-сотдиси ва аҳолининг тасарруфдаги даромадлари ўртасида (корреляция коэффициенти = 0,48) сезиларли боғлиқлик мавжудлиги аниқланди.
Марказий банки маълумотларига кўра, 2024 йилнинг III чорагида аҳолига ажратилган ипотека кредитлари ҳажми 4,84 трлн сўмни ташкил этган. Мазкур кўрсаткич 2023 йилнинг мос давридагига нисбатан 7,3 фоиз кам.
