Литва армиясида Россия, Беларус ва Хитой фуқароларининг хизмат қилиши тақиқланди

Литва Қуролли кучларида Россия, Беларус ва Хитой фуқаролигига эга шахсларнинг ҳарбий хизматни ўташи тақиқланди. Мамлакат Сейми (парламент) бу борадаги тегишли тузатишни қабул қилди.

Қайд этилишича, қонунга киритиладиган мазкур ўзгартириш учун 100 нафардан ортиқ депутат овоз берган.

Энди ҳукумат мамлакатга киришни тақиқлаган давлатларнинг фуқаролари профессионал ҳарбий хизмат, Кўнгилли кучлар хизмати ёки доимий бўлмаган бошқа турдаги ҳарбий хизматларга, шунингдек, мажбурий ҳарбий хизматга қабул қилинмайди. Агар Қуролли кучларда хизмат қилаётган шахс юқорида мамлакатлар фуқаролигини олса, хизматдан бўшатилади.

Литва ҳукумати профессионал ҳарбийлар мамлакат миллий хавфсизлигига таҳдид уйғотувчи давлатлар, хусусан, Россия, Беларус ва Хитойга хизмат юзасидан ташқари ташриф буюришлари мумкин эмаслигини тасдиқлади.

Шу кунга қадар Литва қонунчилигида қўшфуқароликка эга шахсларнинг Қуролли кучларда хизмат қилиши тақиқланмаган эди.

Аввалроқ Литва ҳам Эстония ҳукумати ортидан Гуржистон раҳбариятига қарши санкцияларни кенгайтирганди. Бунга мамлакатда давом этаётган норозилик намойишлари куч билан бостирилаётгани сабаб бўлган.