Дам олиш кунлари ёғингарчилик кутилмайди

Бугун кундузи Тошкент вилояти ва Фарғона водийси вилоятларида баъзи жойларда бироз қор ёғади. Республиканинг қолган ҳудудларида ёғингарчилик кутилмайди. 

Ўзгидромет хабарига кўра, шамол ғарбдан 7-12 м/с тезликда эсади, айрим жойларда 13-18 м/с гача кучаяди. Ҳаво ҳарорати 0...+5 даража, жанубда +8 даражагача бўлади.

Дам олиш кунлари Ўзбекистоннинг барча ҳудудлари бўйича ёғингарчиликсиз об-ҳаво бўлиши кутилмоқда. Йўлларда баъзи жойларда яхмалак кузатилади. Шамол шарқдан 7-12 м/с тезликда эсади. Кечаси ва эрталаб туман тушиши мумкин.

Ҳарорат 21-22 декабрда кечалари -5...-10 даражагача пасаяди, кундуз кунлари -2...+3 даража атрофида бўлади.

Пойтахтда: бугун вақти-вақти билан бироз қор ёғади, туман тушади. Ҳарорат 0...+2 даража бўлади.

Шанба ва якшанба кунлари ёғингарчилик кутилмайди. Ҳарорат кечалари -5...-7 даража, кундуз кунлари 0...+3 даража бўлади.

Йўлларда баъзи жойларда яхмалак кузатилади. Кечаси ва эрталаб туман тушиши мумкин.