Қўшимча функционаллар
-
Тунги кўриниш
Интернетда Volkswagenʼнинг 800 мингга яқин электромобили ҳайдовчиларига оид маълумотлар тарқалиб кетди
Volkswagen компанияси мижозларининг маълумотлари интернетда тарқалиб кетди. Улар орасида сиёсатчилар, полиция ва разведка ходимлари ҳам бор.
Фото: DPA
Германиянинг Der Spiegel журнали Volkswagen компанияси томонидан ишлаб чиқарилган 800 минг электромобилнинг ҳайдовчиларига оид маълумотлар интернетда тарқалиб кетганини маълум қилди.
Гап Volkswagen ҳайдовчилари электромобилларни бошқаришда фойдаланадиган иловадаги маълумотлар тўғрисида кетмоқда. Қарийб 800 минг машина ва уларнинг эгаларига тааллуқли маълумотлар Amazon булутли омборида ҳимоясиз ҳолатда сақланган.
Таъкидланишича, очиқ интернетда немис сиёсатчилари, тадбиркорлар, полициячилар ва ҳатто разведка ходимларининг ҳам маълумотлари пайдо бўлган. Тарқалган маълумотлар ёрдамида Volkswagen мижозининг шахсий маълумотларини билиб олиш, шунингдек, уларнинг Германия, Норвегия, Швеция, Буюк Британия, Исроил, Украинадаги автомобилларини кузатиш мумкин бўлган.
Маълумотлар Cariad компанияси — Volkswagen учун дастурий таъминотни ишлаб чиққан пудратчининг хатоси сабаб тарқалган. Chaos Computer Club (интернетдаги заифликларни қидирадиган нодавлат ташкилот) мутахассислари компанияга мурожаат қилганидан кейин ушбу маълумотлар зудлик билан ёпиб қўйилган.
Аввалроқ Burger King тезкор овқатланиш ресторанлар тармоғи мижозларининг маълумотлари интернетга сиздирилгани, шунингдек, интернетда 2014 йилдан 2023 йилгача бўлган даврда россияликларнинг чегарани кесиб ўтгани ҳақида маълумот пайдо бўлгани тўғрисида хабар берилганди.
Мавзуга оид
20:30 / 02.12.2024
Volkswagenʼнинг тўққизта заводи ходимлари иш ташлаш эълон қилди
23:42 / 27.11.2024
Volkswagen кўплаб айбловлардан кейин Хитойдаги заводини сотди
20:31 / 13.11.2024
Volkswagen Tesla’нинг рақобатчиси билан 5,8 млрд долларлик битим имзолади
22:16 / 28.10.2024