Қўшимча функционаллар
-
Тунги кўриниш
2024 йилда табиий офатлар оқибатида глобал иқтисодий зарар 320 млрд долларни ташкил этди
Бу 2023 йилги кўрсаткичлардан тахминан 30 фоизга кўп. Дунёдаги энг йирик қайта суғурталаш компанияси Munich Re’га кўра, ўтган йил давомида суғурталанган зарар миқдори тахминан 140 млрд долларни ташкил этган.
Фото: Getty Images
2024 йилда табиий офатлар оқибатида дунё иқтисодиётига етказилган зарарнинг умумий миқдори 320 миллиард долларни ташкил этди — бу 2023 йилги кўрсаткичлардан тахминан 30 фоизга кўп.
Дунёдаги энг йирик қайта суғурталаш компанияси Munich Re’га кўра, суғурталанган зарар миқдори тахминан 140 миллиард долларни ташкил этган — бу 2017 йилда, АҚШга «Ҳарви», «Ирма» ва «Мария» тўфонлари ёпирилиши оқибатида етказилган зарардан бери қайд этилган энг юқори кўрсаткич.
Суғурталанган зарарларнинг умумий зарар ҳажмидаги улуши қарийб 44 фоизни ташкил этиб, узоқ йиллардан бери 30 фоизни ташкил этаётган кўрсаткичдан ошиб кетган.
2024 йилда глобал йўқотишларнинг тахминан учдан икки қисми — 190 миллиард доллари Шимолий Америка, шунингдек, Марказий Америка ва Кариб ҳавзасидаги табиий офатлар оқибатида юзага келган. Булар, хусусан, икки ҳафталик фарқ билан Флоридага ёпирилган «Милтон» ва «Ҳелен» тўфонлари билан ҳам боғлиқ.
Бундан ташқари, сентябр ойида Хитой ва Ветнам соҳилларида кузатилган «Яги» тўфони ҳам жиддий офатга айланган. У етказган иқтисодий зарар 14 миллиард долларга баҳоланмоқда — суғурталанган зарарлар миқдори эса атиги 1,6 миллиард долларни ташкил этади.
Munich Re маълумотларига кўра, умумий ҳисобда 2024 йилда табиий офатлар натижасида 11 минг киши ҳалок бўлган — бу сўнгги ўн йилдаги ўртача кўрсаткичдан (17,5 минг) кам.
Мавзуга оид
10:14 / 09.01.2025
Экологик зарарларни мажбурий суғурталаш тизими жорий этилади
08:44 / 08.01.2025
Қишлоқ хўжалиги суғуртаси жамғармаси ташкил этилади
14:31 / 13.11.2024
Хизматда жароҳат олган ҳарбийларга суғурта тўлови берилади
20:40 / 06.11.2024