Иқтисодиёт | 08:49 / 29.01.2025
4439
2 дақиқада ўқилади

Ўзбекистонда блокланган TikTok энг кўп солиқ тўлаган хорижий бигтех қаторига кирди

2024 йилда хорижий йирик IT-компанияларнинг Ўзбекистонда тўлаган солиқлари 1,5 баробарга ошиб, 9 млн долларга етди. Топ ўнталикка илк бор TikTok ҳам қўшилди, ваҳоланки, бу платформа Ўзбекистонда блокланган.

Фото: Bloomberg

Ўзбекистонда электрон хизматлар кўрсатувчи хорижий компаниялар 2024 йилда қарийб 116 миллиард сўм солиқ тўлади, деб хабар беради Солиқ қўмитаси.

Қайд этилишича, мамлакатда электрон хизматлар кўрсатувчи 63 та хорижий компания томонидан 2024 йилда 115,8 миллиард сўм солиқ тўланган — бу 2023 йилга нисбатан 1,5 баробар кўп. Шу билан бирга, ушбу компаниялар томонидан кўрсатилган хизматлар ҳажми ҳам 1,5 бараварга ўсиб, 959 миллиард сўмни ташкил этган.

Meta компанияси энг кўп солиқ тўлаган компания айланди — 41,71 миллиард сўм. Ундан кейинги ўринларни Google (28,9 миллиард сўм) ҳамда Apple (27,3 миллиард сўм) компаниялари эгаллаган.

Шунингдек, 2021 йилнинг ёзидан бери Ўзбекистонда расман блокланган, аммо 2023 йилда солиқ тўловчи сифатида рўйхатдан ўтган TikTok ижтимоий тармоғи ўтган йил давомида 903 миллион сўм солиқ тўлаб, энг йирик солиқ тўловчилар ўнталигига кирган.

Тўланган солиқларнинг 99,9 фоизи электрон хизматлар кўрсатувчи қуйидаги 10 та хорижий компаниялар ҳиссасига тўғри келган:

  • Meta — 41,7 млрд сўм;
  • Google — 29 млрд сўм;
  • Apple — 27,3 млрд сўм;
  • Amazon — 4,1 млрд сўм;
  • Booking.com — 3,6 млрд сўм;
  • Netflix — 1,4 млрд сўм;
  • Zoom — 1,4 млрд сўм;
  • Аccа — 1,2 млрд сўм;
  • Xsolla — 966,7 млн сўм;
  • TikTok — 903 млн сўм.

«Электрон хизматлар кўрсатувчи чет эл юридик шахслари ўтган чоракдан кейинги ойнинг 20-кунидан кечиктирмай солиқ ҳисоботларини тақдим этади ва солиқларни тўлайди», — дейилади хабарда.

Мавзуга оид

Эълонлар

Golden House  бизнес-классдаги O‘z Makon II турар жой мажмуаси тақдимотига таклиф этади

Ўзбекистон Республикаси Ҳисоб палатаси ва Тошкентдаги Сингапур менежментни ривожлантириш институти ўртасида ҳамкорлик алоқалари йўлга қўйилди

Tenge Bank Visa билан ҳамкорликда бир қатор инновацион тўлов хизматларини ишга туширмоқда

Ўзбекистон Миллий банки дам олиш кунларида ҳам сиз учун хизмат кўрсатади

Фермерлар ва деҳқонлар учун қулай имконият – “Ўзкимёсаноат” АЖ минерал ўғитларга 10 фоизгача чегирма нархларини таклиф этмоқда 

Тошкент Кимё халқаро университети ва Pukyong миллий университети ўртасидаги илмий ва маданий ҳамкорлик ривожланмоқда

Golden House  бизнес-классдаги O‘z Makon II турар жой мажмуаси тақдимотига таклиф этади

Ўзбекистон Республикаси Ҳисоб палатаси ва Тошкентдаги Сингапур менежментни ривожлантириш институти ўртасида ҳамкорлик алоқалари йўлга қўйилди

Tenge Bank Visa билан ҳамкорликда бир қатор инновацион тўлов хизматларини ишга туширмоқда

Ўзбекистон Миллий банки дам олиш кунларида ҳам сиз учун хизмат кўрсатади

Фермерлар ва деҳқонлар учун қулай имконият – “Ўзкимёсаноат” АЖ минерал ўғитларга 10 фоизгача чегирма нархларини таклиф этмоқда 

Тошкент Кимё халқаро университети ва Pukyong миллий университети ўртасидаги илмий ва маданий ҳамкорлик ривожланмоқда

Golden House  бизнес-классдаги O‘z Makon II турар жой мажмуаси тақдимотига таклиф этади

Ўзбекистон Республикаси Ҳисоб палатаси ва Тошкентдаги Сингапур менежментни ривожлантириш институти ўртасида ҳамкорлик алоқалари йўлга қўйилди