Turkiyaning Eron bilan chegarasida ro‘y bergan portlash tufayli 3 kishi halok bo‘lib, 71 kishi jarohatlandi

Turkiya sharqidagi Van viloyati hududida ro‘y bergan portlash oqibatida 3 kishi halok bo‘lgan, 71 kishi jarohatlangan.

Anadolu agentligi ma'lumotiga ko‘ra, Turkiyaning Eron bilan chegarasi yaqinida avtomobilga o‘rnatilgan portlovchi qurilma harakatga keltirilgan. Hujum nishoni politsiya mahkamasi bo‘lgan.

"71 kishi jarohatlangan, ularning 17 nafari — politsiyachilar. Jarohatlanganlarning yana 3 nafari og‘ir ahvolda", — degan "Adolat va taraqqiyot partiyasi"ning Van viloyatidagi vakili Zaxir Soganda.

Mahalliy amaldorlar ma'lumotiga ko‘ra, bu terakt Kurdiston ishchilar partiyasi (KIP) tomonidan amalga oshirilgan.