Germaniyaning yetti shahrida YeI va AQSh bilan savdo shartnomasiga qarshi norozilik namoyishi bo‘lib o‘tmoqda

Germaniyada TTIP (Transatlantic Trade and Investment Partnership) transatlantik erkin savdo hududini tashkillashtirish haqidagi shartnoma tuzishga qarshi norozilik namoyishlari bo‘lib o‘tmoqda. 

Norozilik namoyishlari Germaniyaning 7 shahrida bo‘lib o‘tmoqda: Gamburg, Berlin, Shtutgart, Keln, Leyptsig, Frankfurt-na-Mayne va Myunxen. Berlinning o‘zidayoq aksiya tashkilotchilari 100 000 nafar ishtirokchi uchun buyurtma berishdi. RT Germaniya poytaxtida o‘tayotgan namoyishlardan jonli translyatsiyani amalga oshirdi. 

2013 yildan beri Yevropa Ittifoqi yopiq rejimda TTIP'ga doir muzokaralar olib bormoqda. Gap taxminan 820 kishidan iborat iste'molchi bozoriga ega dunyodagi eng katta erkin savdo zonasini tashkil qilish haqida bormoqda. AQSh va Yevroittifoqdan tashqari bu loyihaga Kanada, Meksika, Shveytsariya, Lixtenshteyn, Norvegiya, Islandiya, shuningdek YeI a'zoligiga da'vogar mamlakatlarni jalb qilish rejalashtirilgan. 

Yevropada kelishuvga ishonqiramay qarashadi. Yevropaliklar TTIP'ning ekologik standartlar va ish bilan bandlik huquqlarini buzishidan xavfsirashmoqda. 2015 yilning oktabrida 150 mingdan ortiq kishi kelishuv imzolanishiga qarshi chiqib, Berlin ko‘chalariga chiqqan hamda norozilik aksiyasida ishtirok etgan.