O‘zbekistonlik professional bokschi Botirali Mamajonov amerikalik raqibini texnik nokautga uchratdi

14 oktabr kuni Amerikaning Florida shtatida «Battle at the Bay 5» bokschilar shousi bo‘lib o‘tdi. Unda o‘zbekistonlik Botirali «Xalk» Mamajonov (5−0−0, 3 KO) ham ringga ko‘tarildi. Bellashuv Telemundo (AQShdagi ikkinchi ispan tilli telekommunikatsion kompaniya) kanali orqali translyatsiya qilindi.

24 yoshli Andijon vakili Larri «Pakmen» Xarris (1−1−0, 1 KO)ga qarshi ringga ko‘tarildi. Uchinchi raundda Mamajonov raqibiga ketma-ket zarbalar berganidan so‘ng referi jangni to‘xtatishga qaror qildi.

O‘zbek bokschisi professional ringdagi debyutini fevral oyida o‘tkazgan edi. O‘tgan davr mobaynida beshta jang o‘tkazib, ularning uchtasi muddatidan oldin yakunlandi.

Matn: «Gazeta.uz»