Jirafalarning Qizil kitobdagi joyi o‘zgardi

Tabiatni qo‘riqlash xalqaro ittifoqi jirafalarni Qizil kitobga kiritilgan jonivorlarning yo‘qolib ketish xavfi uncha yuqori bo‘lmagan bo‘limidan yo‘qolib ketish xavfi yuqori bo‘limiga olib o‘tdi. Bu haqda ittifoq matbuot xizmati xabar bermoqda. 

«Bo‘limlarning o‘zgartirilishiga sabab sayyorada jirafalar miqdorining pasayib ketishidir. Aholi sonining ko‘payishi jirafalar miqdoriga salbiy ta'sir ko‘rsatmoqda», — deyiladi bayonotda.

Bundan tashqari, jirafalarning qisqarib ketishiga ularning noqonuniy ovlanishi, qishloq xo‘jaligi yerlarining kengayishi oqibatida jonivorlarning oziqlanish maydonlari qisqarib ketgani va kon sanoati obektlarining qurilishi ham sabab sifatida ko‘rsatilgan.