“Bavariya” yarim himoyachisi Chilining 2016 yildagi eng yaxshi futbolchisi deb tan olindi

“Bavariya” futbol klubi yarim himoyachisi Arturo Vidal Chilining 2016 yildagi eng yaxshi o‘yinchisi deb tan olindi. Bunday qarorga chililik sport jurnalistlari kelgan, deb xabar qiladi Goal. 

Ayollar orasida Yanara Ayedo eng yaxshi deb topilgan bo‘lsa, Nikolya Asteta havaskor futbolda mukofotga loyiq topildi.

Ma'lumot uchun, Chilida o‘tgan yili eng yaxshi futbochisi deb “Barselona” darvozaboni Klaudio Bravo tan olingandi. U o‘tgan yilning yozida “Manchester Siti”ga o‘tib ketdi.

Arturo Vidal esa joriy mavsumda nemis Bundesligasida 12 uchrashuv o‘tkazib, 1 ta to‘p kiritdi.