Bahodir Ahmedov yangi ishga tayinlandi

O‘zbekiston Respublikasi Madaniyat va sport ishlari vazirligining sobiq rahbari Bahodir Ahmedov Majidovich Toshkent viloyati hokimining yoshlar siyosati, ijtimoiy rivojlantirish va ma'naviy-ma'rifiy ishlar bo‘yicha o‘rinbosari etib tayinlandi. Bu haqda Kun.uz manbasi xabar berdi.

Eslatib o‘tamiz, Bahodir Ahmedov Madaniyat va sport ishlari vazirligiga 2015 yilning yozida rahbar etib tayinlangandi. 

Joriy yilning 24 fevral kuni esa Madaniyat vazirligida bo‘lib o‘tgan yig‘ilishda Madaniyat va sport ishlari vazirligi o‘rnida tashkil qilingan Madaniyat vazirligi hamda Sport qo‘mitasiga tayinlangan rahbarlar ma'lum qilindi. Alisher Navoiy nomidagi O‘zbekiston davlat akademik katta teatri direktori lavozimida faoliyat ko‘rsatayotgan Muratov Maxmud Mo‘minovich Madaniyat vaziri etib tayinlandi.