Bravo senga, Bravo! Chili finalda!

Konfederatsiyalar kubogining yarim final o‘yinida Chili hamda Portugaliya terma jamoalari to‘qnash keldi. "Kazan-Arena" stadionida kechgan o‘yin Chilining g‘alabasi bilan yakunlandi. 

O‘yinning asosiy va qo‘shimcha daqiqalarida hisob ochilmadi. Penaltilar seriyasida chililik futbolchilarning qo‘li baland keldi. Klaudio Bravo ketma-ket 3ta penaltini qaytarib, jamoasini finalga olib chiqdi. 

Chili 2 iyul kuni Toshkent vaqti bilan soat 23:00da finalda Germaniya – Meksika juftligi g‘olibi bilan kuch sinashadi. Portugaliya ham 3-o‘rin uchun kurashni shu kuni, soat 17:00 da o‘tkazadi. 

Portugaliya – Chili 0:0 
Portugaliya – Ruy Patrisiu, Soaresh, Alvesh, Fonte, Elizeu, Bernardu Silva (Kuarejma, 83), Adriyen Silva (Moutinyu, 102), Vilyam Karvalyu, Andre Gomesh (Jyelson Martinsh, 116), Ronaldu, Andre Silva (Nani, 76).
Chili – Bravo, Medel, Bosejur, Xara, Vidal, Ernandes (Silva, 112), Vargas (Rodriges, 86), Dias, Sanches, Arangis, Isla (Fuensalida, 120).
Penaltilar seriyasi: 0:1, 0:2, 0:3.
Ogohlantirishlar: Xara (23), Vilyam Karvalyu (31), Andre Silva (43), Ernandes (51), Fonte (96), Alvesh (111), Soaresh (114).