Internetda Las-Vegas otishmasi qurbonlari va ular o‘ldirilgan qurollar suratlari paydo bo‘ldi

Internetda Las-Vegasda 1 oktabr oqshomida musiqa festivali vaqtida amalga oshirilgan ommaviy qotillikda qo‘llangan avtomat qurollarning suratlari namoyish etildi. Bostondagi 25News telekanali xunrezlikni amalga oshirgan 64 yoshli Stiven Peddokning xonasidagi qurollarni suratga olgan.

Shuningdek, Twitter ijtimoiy tarmog‘ida Mandalay Bay kazinosi oldidagi maydonda Peddok tomonidan otib tashlangan kishilar surati e'lon qilingan. Suratda yordam kutayotgan jabrlanuvchilarni ham ko‘rish mumkin.

Oxirgi ma'lumotlarga ko‘ra, 64 yoshli amerikalik pensioner Stiven Peddok tomonidan sodir etilgan ushbu hujum oqibatida halok bo‘lganlar soni 59 nafar, jabrlanuvchilar soni esa 500dan oshgan. Bu AQSh tarixidagi eng yirik ommaviy qotillik bo‘ldi.