Qoʻshimcha funksionallar
-
Tungi ko‘rinish
Qirg‘iziston Ostona bilan kelishuvini bekor qildi
Foto: Qirg‘iziston prezidenti matbuot xizmati
Qirg‘iziston prezidenti Almazbek Atamboyev Qozog‘iston bilan erishilgan kelishuvni bekor qilish to‘g‘risidagi qonunni imzoladi. Hujjat YevroOsiyo iqtisodiy ittifoqi doirasida yordam berishni ko‘zda tutar edi, deyiladi prezident matbuot xizmati xabarida.
Qirg‘iziston parlamenti mazkur kelishuvni bekor qilish bo‘yicha qonunni o‘tgan hafta qabul qilgan edi.
Kelishuv 2016 yili Qirg‘iziston va Qozog‘iston hukumatlari o‘rtasida imzolangan edi. U Qozog‘istonning Qirg‘izistonga 100 mln dollar yordam berishini tartibga solar edi. Ostona bu pulni Qirg‘iz respublikasining YevroOsiyo iqtisodiy ittifoqiga tezroq integratsiya jarayonlariga ko‘maklashish maqsadida ajratishi belgilangandi.
Qirg‘iziston TIV "belgilangan tartibda Qozog‘iston respublikasi hukumatini kelishuv va protokollar bekor qilinganidan xabardor qiladi".
Kelishuvni bekor qilish ikki qo‘shni mamlakat munosabatlari yomonlashayotgan bir vaqtda kuzatilmoqda. Atamboyev Qozog‘istonni prezidentlik sayloviga aralashganlikda ayblagach, ikki davlat hukumatlari o‘rtasiga sovuqchilik tushdi.
Qirg‘iziston-Qozog‘iston munosabatlari
Qirg‘izistondagi prezidentlik saylovi arafasida Almazbek Atambayev qo‘shni davlat siyosatlarini bir necha marta qoralab chiqdi. Bunga javoban Qozog‘iston hukumati chegarada qirg‘izistonliklarni to‘xtatib qola boshladi
Mavzuga oid
23:10 / 23.12.2024
Rossiya Qozog‘istonda 7 mln dollarlik firibgarlik ishida ayblanayotgan O‘zbekiston fuqarosini ekstraditsiya qildi
18:02 / 23.12.2024
Sadir Japarov Farg‘ona viloyati hokimini «Dank» ordeni bilan mukofotladi
17:57 / 23.12.2024
Qozog‘istonda yo‘lda buzilib qolgan avtobusdan o‘zbekistonliklar qutqarildi
20:04 / 21.12.2024